Skeið

Forsendur:

Hesturinn þarf að vera líkamlega og andlega undirbúinn þegar skeiðþjálfun hefst.
Það þýðir einfaldlega vel taminn hestur,hann getur verið 4 vetra 5 vetra eða 8 vetra,skiptir ekki öllu máli,heldur miklu frekar er hesturinn tilbúinn í verkefnið.

Byrjum á ungu hestunum því það er mun algengara að við leitum eftir skeiði í íslenskum hestum á aldrinum 4-6 vetra heldur en á eldri hestum. Hesturinn þarf að vera þjáll og kunna hliðargangsæfingar, hann þarf að kunna að slaka á og hann þarf að kunna að beita sér fram.Best er að hestar kunni að taka bæði hægra og vinstra stökk ,og séu ekki missterkir ,ef að hestur er missterkur þá er mikil hætta á taktvandamálum sem og ágripum.Það er meiri hætta á ágripum út af misstyrk heldur en t.d. snúnum fótum eða rangri járningu.

Yfirleitt er best að byrja á að æfa niðurtöku þ.e.a.s. af stökki niður á skeið (má vera tölt í byrjun)Það gerir maður með því að hleypa hestinum á milliferð á stökki í hálfléttri ásetu sest svo í sætið og hvetur hestinn fram að taum þar sem knapinn stillir saman hvetjandi og hamlandi ábendingar.Þegar hestur er  á hægra stökki er tekið örlítið meira í hægri taum en verið í sambandi á þeim vinstri,knapinn setur þyngdinia örlítið meira á vinstri hlið þegar hesturinn er kominn á skeið réttir knapin úr sér, og fylgir hestinum eftir með samspili ábendinga.
Þegar hesturinn grípur skeiðið er best að ákveða lengd  sprettfæris og skammta hestinum lengdina.

Skeið liggur misvel fyrir hestum og þarf knapinn að gera sér grein fyrir hæfileika hestsins til að skeiða.
Svo eru hin ýmsu blæbrigði skeiðs,t.d. fjórtaktað skeið ,mjög tvítaktað, skrefstutt ,skreflangt, flatt skeið skeið með miklum hreyfingum  osfrv.

Þegar skeið þjálfun hefst og við tökum dæmi um fjórtakt á skeiði er nauðsynlegt að kenna hestinum að stökkva fjórtaktað (lágt flatt stökk) hafa léttan fótabúnað að framan og láta hestinn lækka sig að framan eins og kostur er .þá getur verið mög gott að hvetja einungis með rödd eða láta annann hest hlaupa með.Með öðrum orðum leifa hestinum að leggjast á skeið og skeiða fram .
Þegar við tölum um hestinn sem er mjög tvítakta snúum við þessu við.leggjum áherslu á þrítakta hátt stökk og höfum þyngri fótabúnað að framan og látum hestinn hækka sig að f og hvetjum hæfilega fram og þá með fótum.og rödd.

Allir skeið sprettir skulu vera stuttir í byrjun og nauðsynlegt er að láta hestinn slaka vel á eftir sprett og jafnvel skipta um reiðátt .Þannig fáum við hestinn til að fara að hugsa um eitthvað annað

Forðast ofþjálfun